Gürcüstan Azərbaycan və Türkiyə ilə parlamentlərarası əməkdaşlığın gücləndirilməsini dəstəkləyir

Mьəllif: admin1

Tarix: 27-02-2018, 10:33

Gürcüstan Azərbaycan və Türkiyə ilə parlamentlərarası əməkdaşlığın gücləndirilməsini dəstəkləyir

“Gürcüstan, Azərbaycan və Türkiyə parlamentlərinin xarici əlaqələr komitələrinin üçtərəfli əməkdaşlıq formatı ölkələr arasında aktual məsələlərin müzakirəsi üçün yaxşı imkandır”.

Bunu Gürcüstan parlamentinin Xarici əlaqələr üzrə komitəsinin sədri Sofio Katsarava deyib.

O bildirib ki, Türkiyə və Azərbaycan Gürcüstanın strateji tərəfdaşlarıdır və parlamentlər səviyyəsində sıx əməkdaşlığın intensivləşdirilməsini dəstəkləyir: “Hər üç ölkə parlamentinin xarici əlaqələr komitələrinin Ankarada keçiriləcək görüşündə müdafiə və təhlükəsizlik, ticarət, iqtisadiyyat, energetika, nəqliyyat sahələri üzrə əməkdaşlıq məsələləri müzakirə olunacaq. Görüşdə həmçinin əlaqələrin daha da genişləndirilməsi ilə bağlı perspektiv və planlar da nəzərdən keçiriləcək”.

Qeyd edək ki, üç ölkənin parlamentlərinin xarici əlaqələr komitələrinin bu həftə ərzində Ankarada keçiriləcək görüşü çərçivəsində əməkdaşlığa dair sənəd imzalanacaq. Nümayəndə heyətləri həmçinin Türkiyənin baş naziri Binəli Yıldırım, parlamentin spikeri İsmayıl Qəhrəman və digər rəsmi şəxslərlə görüşəcək.(APA)

« Dekabr 2024 »

Ça