Yəməndə xolera epidemiyası can almağa davam edir

Mьəllif: admin1

Tarix: 19-07-2018, 09:21

BMT-nin Uşaq Fondu (UNICEF) bildirir ki, Yəməndə 13 ay ərzində xolera epidemiyasından həyatını itirənlərin sayı 2 min 300 nəfəri keçib.

Maide.Az “AA”a istinadən xəbər verir ki, BMT-nin Uşaq Fondunun Yəmən ofisi öz Twitter səhifəsində verdiyi açıqlamasında son 13 ay ərzində xoleradan 2311 nəfərin öldüyü, 1 milyon 118 nəfərin isə xolera epidemiyasına yoluxma ehtimalı ilə nəzarətə götürüldüyü bildirilib.

Açıqlamada xəstəliyin yayılmasının qarşısının alınması üçün davamlı iş aparıldığına baxmayaraq Səudiyyə rejiminin təcavüzünün davam etdirilməsi və səhiyyə sisteminin qeyri-kafi olmasına görə işlərin lazimi sürətdə olmadığı vurğulanıb.

Qeyd edək ki, Ümumdünya Səhiyyə Təşkilatının öncəki hesabatına görə, 2017-ci ilin iyun ayından indiyədək xolera epidemiyasından 2200 nəfər həyatını itirib, 1 milyondan çox yəmənlinin isə epidemiyaya yoluxub.

Səudiyyə Ərəbistanının liderliyində Yəmənə qarşı başladılan müharibə təxminən 2 il yarımdır ki, davam edir. Bu müddətdə ölkədəki həyati infrastrukturlar tamamilə darmadağın edilib və tətbiq edilən iqtisadi sanksiyalarla vəba kimi bir çox yoluxucu xəstəliklər nəticəsində ölkə əhalisi çox ciddi təhdidlərlə üz-üzədir. Əgər tədbir görülməsə ölkədə insanlıq faciəsi baş verəcək.

Mövcud statistikaya əsasən, Səudiyyə rejiminin təcavüzü nəticəsində 12 milyon nəfərdən çox yəmənli həyatını itirib.

« Dekabr 2024 »

Ça