İşğalçı İsrail ordusu fələstinli məhbuslara hücum edib, 100-dən çox yaralı var
 Madie.Az "felestin.info"-a istinadla xəbər verir ki, bu barədə Fələstinli Məhbuslar Cəmiyyəti (FMC) məlumat yayıb. Bildirilib ki, işğalçı əsgərlər dünən səhər saatlarında həbsxanada qəfil yoxlamaya başlayıblar, məhbusların kameralarına daxil olaraq axtarış aparıblar, bəzi məhbuslara qarşı isə fiziki zorakılıq tətbiq ediblər. Buna cavab olaraq həbsxanada kütləvi etiraz aksiyasına start verilib. Aksiyanı yatırtmaq üçün əsgərlər odlu silahlardan, qaz qumbaralarından və səs bombalarından istifadə ediblər. Məhbuslara dəyənəklərlə hücum ediblər, təlim görmüş itləri məhbusların üzərinə buraxıblar. Baş vermiş hücumda 100-dən çox məhbus yaralanıb. Onların əksəriyyəti öz kameralarında yaxın məsafədən güllələniblər. Yaralılar İsraildəki hospitallara aparılıblar. Onların bir çoxu həbsxanaya geri qaytarılıblar. 20 məhbus isə vəziyyətləri ağır olduğu üçün hospitalda saxlanılıblar. Həbsxana kameralarının üçündə yanğın baş verib. Yanğının əsgərlər tərəfindən yaxın məsafədən qaz qumbaralarının atılması nəticəsində baş verdiyi bildirilir. Məlumata görə, insidentdən bir gün əvvəl isə məhbuslara qarşı başqa bir zorakılıq aktı qeydə alınıb. Belə ki, işğalçı ordu qüvvələri Ofer həbsxanasının 15 və 17 saylı şöbələrinə basqın edərək məhbusları zorla çölə çıxardıblar, onların otaqlarında axtarış işləri aparılıb və özlərinə qarşı isə zorakılıq törədilib. Bildirək ki, İsrailin nəzarətində olan Ofer həbsxanasında təxminən 1200 fələstinli siyasi məhbus saxlanılır. Oxşar xəbərlər
|
 
      |
Bu dua vasitəsilə bütün hacətlər yerinə yetirilər
COVŞƏN KƏBİR DUASI
Namaz qılmaq və onu tərk etmək haqqında
Gürcüstan üfüqi ilə dekabr ayının azan təqvimi
İmam Əli (ə) bütün münacat və duaları bu 4 zikrdə xülasələşdirib
Xanım Fatimənin (s.ə) mövlud günü - Qadınlar bayramı
ÜMMÜL-BƏNİN KİMDİR?
Çətinlik zamanı Peyğəmbərin (s) tövsiyə etdiyi dua
Qəlbin paklığı üçün gözəl və qısa bir dua
Gözəl əxlaq - dinin yarısıdır. Pis əxlaq – cəhənnəmlik sifətdir
Şərh əlavə et
