Ayətullah Sistani düşmənlərin fitnələri barədə xəbərdarlıq etdi

Mьəllif: admin1

Tarix: 30-11-2019, 22:30

İraqın böyük mərcəyi-təqlid alimi Ayətullah Seyid Əli Hüseyni Sistani etirazçılara ölümcül güc tətbiq edilməsini qınayıb.

Deyerler.org Mehrə istinadən xəbər verir ki, noyabrın 29-u Ayətullah Sistaninin Kərbəladakı nümayəndəsi Ayətullah Seyid Əhməd Əs-Safi tərəfindən cümə namazında oxunan müraciətdə, Ayətullah Sistani İraq xalqının haqlı tələblərinin ciddi şəkildə qəbul edilməməsinin bütün İraq üçün düzəlməz ziyan olacağını qeyd edərək, səlahiyyətlilərdən bu məsələyə çox ciddi bir yanaşmalarını istəyib.

Dinc etirazçılara hücumun haram olduğunu söyləyən Ayətullah Sistani, etirazçıları da zorakılıqdan çəkinməyə dəvət edərək, belə deyib: “Dinc etirazçılar özlərini sabitliyi pozanlardan uzaq tutmalıdırlar. Dinc nümayişlərin insanlara və mülklərə edilən hücumlara çevrilməsinə imkan verilməməlidir”.

Ayətullah Sistani ölkədəki rəhbərlik dəyişikliyinin zəruriliyinə işarə edərək, deputatlara hökumətə dəstəklərini yenidən nəzərdən keçirməyə çağırıb.

Hökumətin son iki aydakı hadisələri həll etmək bacarığının görünmədiyini bildirən Ayətullah Sistani, belə deyib: “Mövcud hökuməti ortaya qoyan parlament öz seçimlərini yenidən qiymətləndirməli və İraqın maraqlarının tələb etdiyi şeyi etməlidir.

İraqın düşmənləri və onların əlaltıları, ölkəni diktatorluq dövrünə qaytarmaq üçün xaos və daxili müharibə toxumları atmağa çalışır ... Onlara bu fürsəti verməmək üçün hər kəs birlikdə işləməyə məcburdur”.

« Dekabr 2024 »

Ça