Şəhid Qasim Süleymani və İmad Muğniyəyə qarşı terrorda adı keçən ABŞ MKİ zabiti Əfqanıstanda partlayan təyyarədə ölüb

Mьəllif: admin1

Tarix: 28-01-2020, 15:58

Şəhid Qasim Süleymani və İmad Muğniyəyə qarşı terrorda adı keçən ABŞ MKİ zabiti Əfqanıstanda partlayan təyyarədə ölüb

Əfqanıstanda ötən gün Talibanın vurduğunu bəyan etdiyi ABŞ hərbi təyyarəsi ABŞ Mərkəzi Kəşfiyyat İdarəsinin İraq, İran, Livan və Əfqanıstana qarşı həyata keçirilən əməliyyatlarına rəhbərlik etmiş zabiti Maykl D'Andreayanın mobil komanda mərkəzi olub və ölən zabitlər arasında Maykl D'Andrea da olub.

Deyerler.org-un "Veterans Today"ə istinadən verdiyi xəbərə görə, bu barədə Rusiyanın hərbi kəşfiyyat dairələri məlumat yayıb.

Yaxın Şərqi və İranı daha yaxşı tanımaq üçün adda İslamı qəbul etdiyini bildirdiyi üçün "Ayətullah Maykl" və ya "Qara şahzadə" adlandırılan Maykl Andrea uzun illər Mərkəzi Kəşfiyyat İdarəsinin adda "Terrorla mübarizə idarəsi"nə rəhbərlik edib.

O, bu vəzifədə ən uzun müddət çalışan zabit kimi yadda qalıb. 2017-ci ildən MKİ-nin İran üzrə xüsusi rəsmisi statusu alan Mayklın adı İranda 2018-ci ildə iğtişaşların törədilməsi, Livanda Hizbullah təşkilatının liderlərindən İmad Muğniyəyə qarşı terrorun hazırlanması, Əfqanıstanda minlərlə dinc insanın ölümünə səbəb olan pilotsuz təyyarə əməliyyatlarının təşkili, İraqda son iğtişaşlarda 300-dən çox iğtişaşçı və təhlükəsizlik əməkdaşının qətli və son olaraq general Qasim Süleymaniyə qarşı terrorun hazırlanması və həyata keçirilməsində adı keçir.

İraq baş naziri Adil Əbu Mehdi ABŞ qüvvələrinin İraqdan çıxarılması haqqında qərarın qəbul edildiyi İraq parlamentinin son iclasında ABŞ-ın bu cinayətlərindən söz açıb:

"Məhz bu səbəbdən mən Çinə səfər etdim və onlarla vacib hərbi razılaşmalar imzaladım. Ölkəyə qayıdan zaman Tramp mənə zəng etdi və bu razılaşmaları ləğv etməmi tələb etdi. Mən imtina edən zaman o mənə qarşı genişmiqyaslı nümayişlər başladacağı ilə hədələdi və mənim hökumətimə son qoyacağını vəd etdi.

Beləliklə, mənə qarşı bu iğtişaşlar başladıldı və Tramp yenidən mənə zəng edərək onun tələbini yerinə yetirməyəcəyim təqdirdə hərbi dəniz piyada snayperlərinin hündürlüklərdən işğtişaşçılara və təhlükəsizlik qüvvələrinə atəş açacağını bildirdi. Mən yenidən imtina etdim və elə həmin gün istefa verdiyimi bəyan etdim.

Daha sonra bizim müdafiə nazirimiz çıxış edərək üçüncü tərəfin işğtişaşçıları və təhlükəsizlik qüvvələrini hədəfə aldığını bildirdi. Tramp yenidən mənə zəng etdi və məni, müdafiə nazirini öldürəcəkləri ilə hədələdi. Sonra isə məlum hadisələr baş verdi".

Amerika tərəfi əvvəldə inkar etsə də artıq Northrop Grumman E-11A bombardmançı təyyarəsinin qəzaya uğradığını etiraf edib. ABŞ qüvvələrinin Əfqanıstandakı komandiri Sonni Leqqet bildirib ki, hazırda hadisə ilə bağlı araşdırma gedir. Təyyarədə ümumilikdə 83 ABŞ hərbi casusunun olduğu bildirilir.

Mütəxəssislər qeyd edirlər ki, sözügedən təyyarə Maykı D'Areanın mobil hərbi qərargahı olub. Onu ABŞ-ın "Yaxın Şərq səmasındakı gözü də adlandırırdılar. Tramp "biz bütün Yaxın Şərq səmasına nəzarət edirik" dedikdə məhz həmin casus qərargahını nəzərdə tutub.

10 km hündürlükdə partlayan təyyarənin qəza və ya raketlə vurulma səbəbindən sıradan çıxması məlum deyil. Mütəxəssislər qeyd edirlər ki, ABŞ-ın ən müasir hərbi kəşfiyyat təyyarəsi xüsusən gizlin müşahidə rejimində olanda demək olar ki, heç bir zaman radara düşmür.

REB sistemi ilə təhciz olunub, özünü müdafiə və avtomatik olaraq hədəflərin hər birini ayrı-ayrılıqda onların istiqamətlərini təyin etmək qabiliyyətindədir.Güclü ultraşua dalğalar yaradır ki, bu da rəqibin HHM sistemlərini tamamilə "kor eləyir".

1 km radiusunda süni maqnit sahəsi yarada bilir və bunun nəticəsində yalançı hədəflər obrazı yaradaraq düşmənin hava hücumundan müdafiə sistemlərini çaşdırıcı siqnallarla azdırır.Təxminən 10 000 metrdən istənilən obyektin həm yerdə həm də göydə tam görüntülərini yüksək səviyyədə çəkə bilir.

Gecə çəkiliş aparmaq üçün ən müasir cihazlarla təmin olunub. Qapalı uçuş sistemi mövcuddur. Həm pilotla həm də avtomatik (pilotsuz) idarə oluna bilir.

Günlərlə hava məkanında uçaraq çəkilən video görüntüləri və şəkilləri yaddaşda saxlaya bilir, dərhal sonra HHQ-nin mərkəzi bazasına servər vasitəsi ilə bütün yaddaşdakı məlumatları anında ötürülür.