Səudiyyə rejiminin Yəmən cinayətləri və Britaniyanın rolu Londonda etiraz doğurdu

Mьəllif: admin1

Tarix: 7-07-2020, 10:03

Londonun mərkəzində yüzlərlə etirazçı Səudiyyə rejiminin səfirliyi qarşısında toplaşaraq Səudiyyə rejiminin Yəmən xalqına qarşı cinayətlərini və Böyük Britaniyanın bu cinayətdəki rolunu qınayıblar.

Deyerler.org xəbər verir ki, etirazçılar bu gün (6 iyul) keçirilən nümayişdə Səudiyyə rejiminin koalisiyasından amansız cinayətlərini dayandırmağa və Qərbi Asiyanın ən kasıb ölkəsindəki blokadasına son qoymağa çağırıb.

Etirazlar Yəmən xalqını dəstəkləyən və Səudiyyə rejiminin cinayətlərinə qarşı şüarlar yazılmış plakatlar qaldırıblar.

Etirazçılar, həmçinin Böyük Britaniyanın və digər ölkələrin Yəməndə Səudiyyə rejiminin cinayətlərini dəstəkləməkdəki rolundan bəhs edərək “Bəsdir kifayətdir” və “Yəməni xilas et” kimi şüarlar səsləndiriblər.

Etirazçılar Yəmənin dinc əhalisinə qarşı baş verən faciənin miqyasına işarə edən plakatlar tutaraq, “Müharibə nə qədər çox olarsa, uşaqlar bir o qədər çox öləcək” və “Niyə susursunuz?” şüarlarını səsləndiriblər.

Hadisə yerində olan müxbirlərdən biri 100-dən çox etirazçının Səudiyyə rejiminin Yəməndəki cinayətləri ilə əlaqədar xəbərləri lazımi şəkildə işıqlandırmadığı Londonun mərkəzindəki BBC-nin ofisinə yürüş etdiklərini bildirib.

Bundan sonra Səudiyyə rejiminin səfirliyinə gedərək Səudiyyə rejiminin Yəməndəki vəhşiliklərini qınayan və Yəmənə qarşı blokadaya son verməyə çağıran şüarlar səsləndiriblər.

Müxbirin dediyinə görə, etirazçılar Böyük Britaniyanın Yəmən xalqına qarşı amansız hərəkətlərinə və Yəməndəki minlərlə dinc sakinin ölümünə səbəb olan Səudiyyə rejiminə milyonlarla funt sterlinq silah satmasını qınamaq üçün Britaniya baş nazirinin ofisinin yerləşdiyi küçəyə də yürüş ediblər.

Aksiya iştirakçıları Yəmən bayraqlarını dalğalandıraraq, “Səudiyyə rejimini silahlandırmağı dayandırın” və “Yəməni azad et, Yəməni xilas et” kimi şüarlar səsləndiriblər.

Etirazlar “Daily Maverick” qəzetinin Böyük Britaniya Hərbi Hava Qüvvələrinin Səudiyyə rejiminin koalisiyasının Yəmənə hücumunda kömək etdiyini bildirən xəbərindən sonra edilib.

Daily Maverick-in verdiyi məlumata görə, 300-dən çox səudiyyəli zabit Britaniya Hərbi Hava Qüvvələrinin altı hərbi bazasında təlim keçib və səudiyyəli pilotlar üçün təlimlər dörd ilə qədər davam edən təlim kursları formasında olub.

« Dekabr 2024 »

Ça