Ayətullah İsa Qasım: “ABŞ və İsrail rejimi ümmətin 1 nömrəli düşmənidir”

Mьəllif: admin1

Tarix: 30-09-2020, 13:29

Ayətullah İsa Qasım: “ABŞ və İsrail rejimi ümmətin 1 nömrəli düşmənidir”

Ümumdünya İslami Oyanış Assambleyasının baş katibi Əli Əkbər Vilayətinin sədrliyi ilə Ali Şuranın bugünkü virtual iclasında danışan Bəhreyn Əhli-Beyt (ə) ardıcıllarının rəhbəri Ayətullah Şeyx İsa Qasım, ABŞ və İsrail rejiminin müsəlman ümmətinin bir nömrəli düşmənləri olduğunu bildirib.

Deyerler.org Tasnim-ə istinadən xəbər verir ki, Ayətullah İsa Qasım sionist rejimin müsəlman ümməti ilə uzun müddətdir davam edən düşmənçiliyinə toxunaraq, Ərəb və İslam torpaqlarının işğalını və müsəlman ümmətinin (Fələstin milləti) çoxlu sayda övladının didərgin düşməsini və fələstinlilərə qarşı cinayətlərin və təcavüzün davam etməsini sionist rejimə qarşı mübarizənin vacib səbəbləri hesab edib:

“İsrail rejimi müsəlman ümmətinin əsas düşmənidir, İsrail rejimi uzun illərdir Fələstin müsəlman millətinə qarşı təcavüz və cinayətlər edir və onları didərgin salır.

İsrail rejimi ilə müttəfiq olanlar əslində özlərini müsəlman ümmətindən ayırdılar və müsəlman ümmətini və müsəlman millətləri arxadan bıçaqladılar.

Amerika Birləşmiş Ştatları və İsrail rejimi müsəlman ümmətinin bir nömrəli düşmənləridir və onlara yaxınlaşdıqca dindən və müsəlman ümmətindən uzaqlaşırıq.

Hökmdarlarının sionist rejimlə münasibətlərini normallaşdırdığı ölkələrin xalqı bu hərəkətə əleyhinədir və təhlükəli təsirlərini və nəticələrini silmək və ölkələrini xilas edə bilmək üçün müxalifət etdiklərini praktik və güclü şəkildə göstərməlidirlər.

Sionist rejimlə hər hansı bir əlaqənin qurulması bölgədə etibarsızlıq və qeyri-sabitlik yaradacaq və bu, bölgədəki hegemonluğunu davam etdirmələri üçün Sionist rejim və ABŞ-ın maraqlarına cavab verir.

Ərəb və İslam millətləri sionist rejimlə münasibətlərin normallaşması üçün bütün qapıları bağlamalı və digər ölkələrin buna cürət etməməsi üçün İslam cəmiyyətlərinin münasibətlərin normallaşmasına reaksiyası çox güclü olmalıdır.

Düşmən mədəni təcavüz yolu ilə gənclərimizi münasibətlərin normallaşdırılmasının iqtisadi və dolanışıq problemlərindən yeganə çıxış yolu olduğuna inandırmağa çalışır, gənclərimizi bu böyük təhlükədən xəbərdar etməli və İslam dünyasının həqiqi rəhbərlərinin yolunu getməliyik”.

« Dekabr 2024 »

Ça