Milyonlarla yəmənli uşaq kütləvi ölüm təhlükəsi ilə üzləşib

Mьəllif: Admin

Tarix: 28-06-2021, 20:19

Milyonlarla yəmənli uşaq kütləvi ölüm təhlükəsi ilə üzləşib

Yəmən Milli Qurtuluş Hökumətinin Nəqliyyat Nazirliyi yanacaq daşıyan gəmilərin Hudeyda limanına girişinə qoyulan qadağanı kütləvi soyqırım kimi qiymətləndirib və milyonlarla yəmənli uşağın kütləvi ölüm təhlükəsi ilə qarşılaşdığı barədə xəbərdarlıq edib.

Deyerler.org xəbər verir ki, nazirlik iyunun 27-si təşkil etdiyi mətbuat konfransında, Səudiyyə rejiminin koalisiyasının hücumlarına görə, Yəmən nəqliyyat sektoruna dəymiş ziyanı açıqlayıb.

Nazirliyin açıqlamalarına görə, Səudiyyə rejiminin koalisiyasının 2015-ci ildə təcavüzkar hücumlara başlamasından 2021-ci ilin martına qədər aviasiya, meteorologiya və əlaqəli sektorlara birbaşa və dolayı zərərin təxminən altı milyard dollar olduğu təxmin edilir.

Mətbuat konfransında bildirilib ki, Səudiyyə rejiminin koalisiyasının quru sahəsinə birbaşa və dolayı ziyan təqribən 208 milyon dollardır və Səudiyyə rejiminin koalisiyasının hücumları nəticəsində 12802 maşın və körpüyə ziyan dəyib.

“Qırmızı Dəniz Limanları İdarəsinə birbaşa və dolayı ziyanlar təxminən 2,160 milyard dollara çatdı. Sanaa hava limanının bağlanması 80 nəfərin ölümü ilə nəticələndi və 450 mindən çox insanın müalicə üçün təcili xaricə səyahətə ehtiyacı var”.

Yəmən Milli Qurtuluş Hökumətinin nəqliyyat naziri Əmir Əl-Marani jurnalistlərə açıqlamasında bunları deyib: “Yəmənin mühasirəyə alınması dəniz nəqliyyatı, quru və hava nəqliyyatı xərclərində görünməmiş bir artıma səbəb oldu.

İcazəsi olmasına baxmayaraq yanacaq daşıyan gəmilərin Hudeyda limanına girişini qadağan etmək kütləvi soyqırımdır. Yəməndə davam edən mühasirə və dərman çatışmazlığı səbəbindən milyonlarla xəstə uşaq kütləvi ölüm riski altındadır.

Səna aeroportu bütün uçuşları qarşılamağa hazırdır və BMT və dünyanın bütün azad insanlarını bu hava limanının yenidən açılması üçün çalışmağa çağırırıq”.

« Dekabr 2024 »

Ça