Misirin “Bəni Soveyf” şəhərində fəaliyyət göstərən Xüsusi qayğıya ehtiyacı olan insanlar üçün Mərkəzdə çalışan “Nəcla Tələt Ğali” adlı xristian tərcüməçi Quranı eşitmə qüsuru olan insanlar üçün işarə dilinə tərcümə edib.
Maide.az xəbər verir ki, Xristian olan bu qadın deyib ki, mənim işim və peşəm tərcüməçilikdir və bu müəssisədə, ətrafda baş verən hər şeyi eşitmə qüsuru olan insanlara tərcümə edirəm, beləliklə, bu eşitmə qüsuru olan insanların Quran ayələrinin mənası və məzmununu dərk etmək üçün ən təbii haqlarıdır.
Misirli bu xristian qadın deyib ki, Mən Quranın işarə dilinə tərcümə edilməsinin dini baxımdan yolverilməz olmadığından əmin olmayanadək, müsəlmanların qəzəbinə səbəb olmamaq üçün bu işi görmədim.
O qeyd edib ki, mən bir sıra İslam alimlərindən və rəhbərlərindən Quranın işarə dilinə tərcümə edilməsi haqqında soruşdum və onlar bildirdilər ki, Quranın işarə dilinə tərcümə edilməsinə Şəriət icazə verir. /